1. Alle: Wås braucht ma auf an Bauerndorf, Wås braucht ma auf an Dorf? Einer: An Pfårrer, der schön singt, a Glockn, die schön klingt, an Mesner, der guat läuten kånn, an Schulmoaster, an gscheitn Månn, dås braucht ma auf an Bauerndorf, dås braucht ma auf an Dorf. 2. Wås braucht ma auf an Bauerndorf, Wås braucht ma auf an Dorf? An Schneider, der nix nimmt, an Boten, der båld kimmt, an Bauern, der sein Weib nit schlågt, a Weib, dås übern Mann nid klågt, dås braucht ma auf an Bauerndorf, dås braucht ma auf an Dorf.

3. Wås braucht ma auf an Bauerndorf, wås braucht ma auf an Dorf? An Wirt, der nit z'viel sauft, an Buam, der nit gern rauft, an Knecht, der nit aufs Gaßl geht, a Dirn, die nit zum Fenster steht, dås braucht ma auf an Bauerndorf, dås braucht ma auf an Dorf. 4. Wås braucht ma auf an Bauerndorf, Wås braucht ma auf an Dorf? An Becker, der oft båcht Und d'Semmeln nit z kloan måcht, an Brauer, der schon fleißig rührt und schaut, daß s'Bier nit wassrig wird, dås braucht ma auf an Bauerndorf, dås braucht ma auf an Dorf.

5. Wås braucht ma auf an Bauerndorf, Wås braucht ma auf an Dorf? An Müllner, der nit stiehlt, an Fuhrmånn, der nit schilt, a Wirtin, die nit trutzig ist, an Kickrihåhn auf jedn Mist, dås braucht ma auf an Bauerndorf, dås braucht ma auf an Dorf.

| Deutsche Volkslieder | Ahnenforschung | Ferienaufenthalt | Folksongs | Hymns | Genealogy | Pacific Holiday | HOME PAGE | Suche | Email |