Logier in a Dachstubn, Und da bin i gern, Da siech i gar weit rum In d'Höh und in d'Fern. Da tramt mir der schönst Tram, Wie d'Engerln rum fliegn - Die drunten, die sehns kam, Die über oa Stiegn.

Da guck i frohseli In d'Himmelwelt naus, Bis kummt z'letzt Micheli, Da zieh i dann aus. Mi tragts, wenns a wenig Is weiter ins Grab, Daß i - notabeni - Net selber z'steign hab.

Und hoff, wenn i dro kimm Und's Sterbgewand onhab, Das i so an Tram nimm Mit abi ins Grab.

| Deutsche Volkslieder | Ahnenforschung | Ferienaufenthalt | Folksongs | Hymns | Genealogy | Pacific Holiday | HOME PAGE | Suche | Email |