Es saßen beim schäumenden Becher

1. Sedentes spumante, micante Baccho Tres laeti sodales cantabant, Potenter sonabat cantus iubilans Et scyphi iocose crepabant. 2. Adolescens primus crine nigro Cados tollit dextra spumantes: "Qui vinum creavit, patri Rheno, Fulmineum Vivat, potantes!" 3. "Vivat pater Rhenus! Vivat, vivat!" Uno trias ore vocabat. Tangebat tunc alter chordas citharae, Oculo lucente cantabat: 4. "Vivat bona domina Musica! Summo habeatur honore! Vivat et cum ea cantus vivat!" Prisco sonant scyphi more. 5. Et ut sollemnis auditur vox Cantus honori dicata, Tum poculum vibrans tertius Compellat corda amata: 6. "Quid nobis est Bacchus, Apollo quid est? Nisi Veneri arcte sunt iuncti? Vivat, mei fratres, amori Vivat! Tonans Vivat canite cuncti!" 7. "Vivat amicitia, vivat amor!" Ab oribus sonat ad ora: Dant manus, dant oscula, bibunt simul, Felicissima haec fuit hora.

| Deutsche Volkslieder | Ahnenforschung | Ferienaufenthalt | Folksongs | Hymns | Genealogy | Pacific Holiday | HOME PAGE | Suche | Email |