D'r Liebgott verwachet: Was git's für nes G'schrei? Üserherrged, tue sunne Mr händ liggeds Heu! Dr Herrgott hänkt d'Sunne Am Bärgnosse us. Är denkt, si hend's nöitig, Macht e Deerose drus. Liebe Herrgott im Himmel, Was macht is se warm? Dy Sunne schynt z'gäälig, Sie schynt is bluetarm. Beit nu, dänkt dr Herrgott, Hänkt d'Wätterwulch us Un lot si so tschätt're, Macht es Gießfäßli drus. Ä Sündfluet! ä Sündfluet! Üserherrgott gib no! Las gleitig dr Föihne Zum Tröchne lo cho.

D'r Föihn schickt 'r hurtig, Wie's chuuted und pfyfft! Halt, halt, Üserherrged! Är ninnt is i d'Lüft. Schick ehnder dr Twärwind! Kei Byswind, nei nüd! Tue rägne, tue sunne! Nei more, nei hüt! Potz Blitz, dänkt d'r Herrgott, Was foni jetz a? Dr Gugger mach s'Wätter! Nimmi niemeh nüd a. Probieri's nüd z'mache Vil ebige Johr! Ha's keim nu vertroffe, Tue Bauele is Ohr. Und siderd'har sunned's Und rägned's wie's will, Dr Herrgott dänkt: Rüef du! Ist müselistill.

Chast sider ahalte Se lang as d'nu witt, Bivor ander Lüft gönd, Se änderet's nüd.

| Deutsche Volkslieder | Ahnenforschung | Ferienaufenthalt | Folksongs | Hymns | Genealogy | Pacific Holiday | HOME PAGE | Suche | Email |