Da summa der is außi muß i obi ins toi Pfiat enk got es schenin oima, pfiat enk got tausend moi Sche stad is scho woan jo, koa vogal singt mehr jo Und es waht scho da schneewind vom wettastoa her jo Und es waht scho da schneewind vom wettastoa her

Es felswänd, es gamsberg pfiat enk got olli donn Es tausend schene bleamal so liab und bekonnt Mei hüttn mei kloane wü mir ned außn sinn jo Wo i oftmois so traurig und glücklich gwesd bin jo Wo i oftmois so traurig und glücklich gwesd bin

So hoat, wia mei heit is, is ma a nu nia gwen Ois miaßt I meine hüttn heit es letzte moi seng Und miaßt i goa boid scho zur erd und zur rua jo Donn deckts mi mit felsstoa und oimbleami zua jo Donn deckts mi mit felsstoa und oimbleami zua

| Deutsche Volkslieder | Ahnenforschung | Ferienaufenthalt | Folksongs | Hymns | Genealogy | Pacific Holiday | HOME PAGE | Suche | Email |